Cilat janë grupet me risk të lartë? | preventFLU

Gripi mund të shkaktojë ndërlikime serioze. Edhe pse jo të gjithë personat me grip kanë temperaturë, një simptomë e zakonshme e gripit është temperatura. Te gratë shtatzëna është vënë re se temperatura shkakton defekte të tubit neural dhe efekte të tjera negative te fëmija në zhvillim. Për shkak se nëna shtatzënë kalon antitrupa te fëmija në zhvillim gjatë shtatzënisë, vaksinimi gjatë kësaj kohe është i sigurt dhe mund të mbrojë edhe foshnjën nga gripi pas lindjes. Gratë që vaksinohen kundër gripit gjatë shtatzënisë ose gjidhënies gjithashtu zhvillojnë antitrupa kundër gripit të cilat mund t’i kalojnë foshnjës përmes qumështit.¹⁷

Çdo vit, pjesa më e madhe e popullsisë së prekur nga gripi përbëhet nga personat mbi 65 vjeç. Krahasuar me të rinjtë dhe të rriturit e shëndetshëm, personat 65 vjeç e lart janë më të rrezikuar që të kenë ndërlikime serioze nga gripi. Rreziku i shtuar lidhet me ndryshimet që ndodhin në sistemin imunitar me kalimin e viteve. Për shembull, vitet e fundit, vlerësohet që 70-85 për qind e jetëve të humbura të shkaktuara nga gripi sezonal kanë ndodhur te personat e moshës mbi 65 vjeç e lart dhe 50-70 për qind e personave që janë shtruar në spital nga gripi sezonal i përkasin kësaj grupmoshe. Për një mbrojtje më efektive të të moshuarve (për shkak të të ashtuquajturës imunoseneshencë – reduktim i reagimit të sistemit imunitar për shkak të moshës) ekzistojnë vaksina me sasi të shtuar të antigjenit, të cilat janë përdorur me sukses në disa vende evropiane vitet e fundit.¹⁷

Për një mbrojtje më efektive të të moshuarve (për shkak të të ashtuquajturës imunoseneshencë – reduktim i reagimit të sistemit imunitar për shkak të moshës) ekzistojnë vaksina me sasi të shtuar të antigjenit, të cilat janë përdorur me sukses në disa vende evropiane vitet e fundit.

Edhe në kushtet e një diabeti të ekuilibruar (tipi 1, tipi 2 ose diabetit gestacional), në këtë grup personash vihet re risk më i lartë i zhvillimit të ndërlikimeve serioze të gripit që mund të rezultojnë në shtrim në spital dhe ndonjëherë edhe në humbje të jetës. Pacientët me diabet janë më të rrezikuar për shfaqjen e ndërlikimeve të mëposhtme që lidhen me gripin: Inflamacioni i mushkërive (pneumonia), infeksioni i rrugëve kryesore të frymëmarrjes (bronkiti), infeksionet e sinusit dhe infeksionet e veshit janë shembuj të tjerë të ndërlikimeve të lidhura me gripin.¹⁷

Pacientët me diabet janë më të riskuar për zhvillimin e komplikimeve, 3 deri në 6 herë më të rrezikuar^21-23 për shtrim në spital dhe 6 herë më të rrezikuar për humbje të jetës për shkak të komplikimeve të gripit.²³

Duke qenë se sëmundjet kronike të veshkave dobësojnë reagimin e sistemit imunitar, çka bën që sistemi imunitar të jetë më pak i aftë për të luftuar infeksionet, personat me sëmundje kronike të veshkave (CKD) janë më të rrezikuar që të zhvillojnë ndërlikime serioze nga gripi, çka mund të rezultojë në shtrim në spital dhe madje edhe në humbje të jetës. Kjo do të thotë se, personat me sëmundje kronike të veshkave, që kanë bërë transplant të veshkave dhe janë duke u trajtuar me dializë, rrezikojnë që të kenë ndërlikime të rënda nga gripi.¹⁷